Trane vloei in hof tydens tweejarige se mishandelingsaak

baba-voete-320x320Die saak teen ‘n paartjie van die noorde van Pretoria wat aangekla word van poging tot moord op die vrou se tweejarige dogtertjie, is Maandag in die Pretoriase landdroshof uitgestel.

EWN het Maandag berig die kind se ma het onbedaarlik in die getuiebank sit en huil en moes gaan sit toe die landdros die hof ingestap het. Volgens die berig kon ʼn mens haar, voor die hofverrigtinge begin het, selfs uit die aanhoudingselle hoor huil. Haar kêrel het net voor hom gestaar.

Maroela Media het oor die naweek berig dat die 20-jarige ma en haar 36-jarige kêrel in hegtenis geneem is in verband met die beweerde mishandeling van die vrou se tweejarige dogtertjie. Die kind, wat slegs as Baba L identifiseer kan word, word in die hoësorgeenheid van die Steve Biko-hospitaal behandel vir gebreekte ribbe, ʼn gekraakte skedel, gate in haar pankreas en niere, sowel as breinskade. Die paartjie het glo aan die polisie gesê sy het die beserings opgedoen nadat sy van ʼn wasmasjien af geval het.

Die staatsaanklaer het die hof vir uitstel gevra sodat die saak verder ondersoek kan word. Die paartjie se prokureur het nie die aansoek teengestaan nie. Die paartjie sal tot volgende Dinsdag in aanhouding bly waarna hulle na verwagting om borgtog gaan aansoek doen.

Lees al die berigte oor Baba L op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
YOLANDA

hoe op aarde kry n baba gate in sy ingewande ???
hang hul al 2,, hoe kan iemand so iets doen ,,,

YOLANDA

hoe op aarde kry n baba gate in sy ingewande ???
hang hul al 2,, hoe kan iemand so iets doen ,,, my hart stukkend !!!!!!!!

Sanet

Wat moes die arme baba nie deurgegaan het om soveel ernstige beserings op te gedoen het nie. My hart is stukkend vir die baba. Al daardie beserings is beslis nie ‘n val van ‘n wasmasjien nie. My kinders is self 3 en 6 jaar oud. Hoe kan iemand dit aan ‘n kind doen. Daardie kind moet weggevat word en vir iemand gegee word wat haar sal waardeer en liefhê en vertroetel.

Dirkie Burmeister

Nee he’ll, die gesinsgeweld is erg, elke dag is daar n berig. Bring terug die doodstraf.

SYLVIA

DIT HELP NIE JY (ma) WIL NOU HUIL NIE JY MOES DAARAAN GEDINK HET VOORDAT JULLE DAI KLEINDING AANGERAND HET, EN DAI BOYFRIEND VAN JOU NEE REGTIG HOOR, EK HOOP NIE JY HET KINDERS NIE WANT GLO MY HULLE GAAN JOU NOU SOOS N VARK BEHANDEL, GEWETENLOSE VARK JULLE AL 2 IS.HOOP JULLE WORD VIR LANK TOE GESLUIT.