‘n 7-jarige seun is Donderdag dood nadat hy deur ʼn trok in Paarl, in die Wes-Kaap, voor sy skoolmaats doodgery is.
Volgens Vanessa Jackson, ʼn woordvoerder van ER24, wou die seun glo die R301-pad oorsteek, kort nadat sy skoolbus hom oorkant die Boschenmeer-landgoed afgelaai het.
“Die seun het saam met ʼn groep skoolmaats gestaan na die bus hulle afgelaai het. Hy wou die pad oorsteek. ʼn Vragmotor, wat ʼn vrag hout gehad het, het die seun getref. Met die paramedici se aankom was die seun reeds dood weens sy erge beserings. Niks kon vir hom gedoen word nie en hy is op die toneel dood verklaar. Die ander kinders is ongedeerd.”