Kapt. Augistinah Selepe, woordvoerder van die polisie, het gesê die voorval het omstreeks 05:00 in Wickusweg naby die George Goch-hostel plaasgevind.
Die 44-jarige vragmotorbestuur is geskiet en gewond. Sy 36-jarige passasier is doodgeskiet. Volgens Selepe is die besonderhede rakende die voorval nog onduidelik. “Daar word vermoed dat die motief roof of kaping was, aangesien ʼn motor gebruik is om die vragmotor se pad te versper voor die skietery.”
Die motor is vroeër in Jeppe gekaap en is na die skietery ʼn paar meter van die toneel af agtergelaat. ʼn Onbekende aantal rowers het na die hostel gehardloop. “Die polisie ondersoek ʼn saak van moord, poging tot moord en roof,” het Selepe gesê.
Enigiemand met inligting kan Crimestop skakel by 08600 10111.