Twee mans is beseer, waarvan een ernstig, nadat hulle glo Woensdagaand laat van ʼn bewegende trein gegooi is tussen Mayfair-stasie en Florida-stasie in Johannesburg.
ʼn Woordvoerder van Netcare911, Jeffrey Wicks, sê ʼn groep mans het glo die trein se deure oopgedwing en die twee mans uitgestoot. Een van die mans het ernstige kopbeserings opgedoen en is in ʼn ernstige toestand na die Charlotte Maxeke-hospitaal vervoer vir verdere behandeling. Die ander man is ook beseer. Die polisie ondersoek die saak.