Twee mans is in ʼn ernstige toestand nadat ʼn petroltenk waaraan hulle gewerk het, ontplof het.
Volgens Christo Venter, ʼn woordvoerder van ER24, het die twee mans Donderdag sweiswerk aan die petroltenk gedoen, toe die hitte daarvan veroorsaak het dat die tenk ontplof het.
Hy het gesê albei mans het ernstige tweede- en derdegraadse brandwonde opgedoen, en een man het sy been gebreek.
Hulle is na die provinsiale hospitaal in Kimberley geneem vir verdere behandeling.