Twee bokse handgranate steeds vermis

Die polisie is steeds op ʼn toneel by die Panorama Petroport op die N1-snelweg, noord van Pretoria naby Hammanskraal, waar drie bokse handgranate Woensdagoggend glo uit ʼn militêre voertuig gesteel is.

Die voertuig was van ʼn Denel-tak van Kaapstad onderweg na die Wallmansthal-weermagbasis. Volgens ‘n polisiebeampte op die toneel het die bestuurder en sy assistent omstreeks 05:00 by die vulstasie aangekom en besluit om te gaan slaap, aangesien hulle eers die aflewering 08:00 kon doen. Terwyl die mans in die voertuig geslaap het, het die diewe glo die drie bokse gesteel.
ʼn Betroubare bron het aan Maroela Media gesê een boks handgranate is reeds in ‘n veld gevind, maar die polisie is steeds op soek na die ander twee bokse. Sowat 70 handgranate word vermis. Die polisie se honde-eenheid is ingeroep.

Intussen het Denel aan EWN gesê die gesteelde toerusting is verligtingshandgranate en nie fragmentasiehandgranate nie.

Klik hier om die oorspronklike storie te lees

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae