Twee mans is dood en twee ernstig beseer nadat die bakkie waarin hulle gery het Saterdagaand in Springs aan die Oos-Rand omgeslaan en gerol het.
Chris Botha, woordvoerder van Netcare911, sê die ongeluk het in Kingswayweg plaasgevind. Hy sê twee mans is op die toneel dood verklaar. Botha sê die ander twee mans is kritiek beseer en na nabygeleë hospitaal geneem vir verdere behandeling. Die polisie ondersoek die saak.
