Twee ‘jaagduiwels’ vas

Twee mans is op die Mabopane-hoofweg in Pretoria in hegtenis geneem nadat hulle die spoedbeperking met meer as dubbel oorskry het.

ʼn Woordvoerder van die verkeersdepartement, Busaphi Nxumalo, sê die mans, een in ʼn Golf 6 GTI en die ander in ʼn Ford Focus ST, het albei teen 170km/h gery in ʼn 80km’h sone. “Die 31-jarige bestuurder van die Golf beweer dat hy ʼn mediese dokter is van die Sunnyside-kampus [Unisa] en dat hy reageer het op ʼn noodgeval. Dit kon egter nie bevestig word nie. Die 30-jarige bestuurder van die Ford ST, ‘n werknemer in die IT-bedryf, wou nie kommentaar lewer nie.” Die mans is albei in hegtenis geneem op aanklag van roekelose en nalatige bestuur. Hulle sal na verwagting Woensdag in die Pretoria landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.