Twee mans, vrou vas oor dwelms

Twee mans en ʼn vrou is tussen Keiskammahoek en Port Elizabeth in die Oos-Kaap in hegtenis geneem nadat daar dwelms in hul besit gevind is.

Kapt. Mali Govender, woordvoerder van die polisie, sê die drie is in hegtenis geneem nadat hul motor van die pad getrek is by ‘n voertuig-kontrolepunt. Govender sê die polisie het ʼn sak met 5 000 Mandrax-tablette en R15 000 in die kattebak gevind. Hy sê die straatwaarde van die dwelms is sowat R300 000. Govender sê die drie verdagtes, onderskeidelik 43, 28 en 25 jaar oud, sal Maandag in die Grahamstown-landdroshof verskyn.