Foto: ER24
Twee polisiebeamptes is Woensdagmiddag in Kaapstad beseer nadat hulle, oppad na ‘n noodgeval, in twee stilstaande motors vasgejaag het.
Volgens ER24 was die beamptes byna in ‘n ongeluk betrokke met ‘n voertuig wat uit ‘n parkeerarea in Buitenkantstraat in Kaapstad gery het, en in ‘n poging om dié ongeluk te vermy, het hulle teen die twee motors, wat langs die pad parkeer gestaan het, vasgejaag.
Die beamptes is na ‘n nabygeleë hospitaal geneem om verdere behandeling te ontvang vir die matige beserings wat hulle opgedoen het.
