Twee mans is in die Krugerwildtuin in hegtenis geneem nadat hulle glo ʼn renoster doodgemaak en onthoring het.
Kol. Ronel Otto, ʼn polisiewoordvoerder van Noordwes, het Sondag gesê die polisie het beslag gelê op ʼn jaggeweer en ʼn twee renosterhorings.
Volgens Otto is die twee verdagtes van Mosambiek. Hulle is in die park vasgetrek nadat hulle ʼn renosterkoei naby die Pafuri-kamp doodgemaak het.
Die verdagtes moet Maandag in die Makhado-landdroshof verskyn op aanklagte van renosterstropery en die onwettige besit van ʼn vuurwapen en ammunisie.
Altesaam 273 renosters is reeds vanjaar vir hul horings doodgemaak.
onthoring hulle ook die gemors