Vermiste Wes-Rand seuns gevind

Twee seuns van Krugersdorp aan die Wesrand wat sedert Sondag vermis word, is gevind.

Hulle was vermis sedert hulle Sondag 31 Julie laas by ʼn huis in Kenmare gesien is. Missing Children SA berig dat Shaun Wessels (15) en Eon van Zijl (17) omstreeds 16:00 Sondagmiddag laas by Shaun se huis in Kenmare gesien is. Daar is intussen deur ‘n opsporingstelsel bepaal dat hulle selfone in die Durban-omgewing in KwaZulu-Natal is. Die seuns het met ʼn grys Corsa bakkie gery ten tyde van hulle verdwyning. Die registrasienommer van die bakkie is XSZ092GP. Shaun het ʼn swart broek, swart baadjie, grys hemp en swart skoene aangehad ten tyde van sy verdwyning. Eon het ʼn denimbroek, swart baadjie en leer skoene aangehad. Missing Children SA sê in ‘n verklaring die twee seuns is gevind te danke aan flink polisiewerk deur die Krugersdorp polisie. Geen verdere besonderhede is in die stadium bekend nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Nico Strydom ·

Haai Adriana

Hulle leef. Jammer as dit nie duidelik in die berig na vore kom nie. Groete

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.