Argieffoto
Twee mense is Vrydag in die KwaZulu-Natalse Midlands-gebied dood nadat ʼn voertuig ʼn voetganger getref het.
Chris Botha, ʼn woordvoerder van Netcare 911, het gesê die ongeluk het op die R56-pad buite Thornville plaasgevind.
“ʼn Voertuig met twee mense het die pad verlaat en die voetganger getref, waarna die voertuig omgeslaan het,” het Botha gesê. Die voetganger en een van die mense is op die toneel dood verklaar. “Die ander pasiënt het ernstige beserings opgedoen. Die man is op die toneel gestabiliseer en na ʼn plaaslike hospitaal geneem vir verdere behandeling.”
Die polisie ondersoek die voorval.
