Twee mense is Saterdagaand dood nadat hulle motor teen ʼn vragmotor gebots het in Magaliesburg in Noordwes.
Chris Botha, woordvoerder van Netcare911, sê die botsing het Saterdagaand op die R509 plaasgevind. Botha sê ʼn man en vrou is op die toneel dood verklaar. “Nog ʼn manlike passasier is kritiek beseer.” Botha sê die man is op die toneel behandel voor hy per helikopter na die Charlotte Maxeke-hospitaal in Johannesburg geneem is. Die oorsaak van die ongeluk word ondersoek.