Twee mense is Donderdag in Johannesburg dood nadat ʼn bestuurder van ʼn taxi beheer oor die voertuig verloor het.
Robert Mulaudzi, ʼn woordvoerder van die Johannesburgse nooddienste, sê die taxi het die pad verlaat en teen ʼn boom langs Nasrecweg gebots. “Twee mans is op die toneel dood verklaar en ses ander passasiers is na nabygeleë hospitale geneem met ernstige beserings,” het Mulaudzi gesê. Geen ander voertuie was in die botsing betrokke nie. Die polisie ondersoek die oorsaak van die ongeluk.
