Twee mense is dood en 13 beseer nadat ʼn minibustaxi en ʼn voertuig Maandagoggend in Nasrec, suid van Johannesburg, gebots het.
Hoofsupt. Wayne Minnaar, ʼn woordvoerder van die Johannesburgse metropolisie, het gesê die voertuig het omstreeks 06:00 vermoedelik ʼn U-draai op die Soweto-hoofweg, oorkant die FNB-stadion, gemaak. “ʼn Man en ʼn vrou, wat passasiers was in die taxi, is dood, en 13 ander mense is met verskeie beserings is na die Chris Hani Baragwanath-hospitaal geneem vir verdere behandeling.”
Die polisie ondersoek die ongeluk.