Twee mense is Dinsdag dood en 36 ander beseer toe ‘n bus in ‘n huis in Soweto ingeploeg het.
ʼn Woordvoerder van die Johannesburgse nooddienste, Synock Matobako, sê die bestuurder van die bus het glo beheer verloor, teen ʼn ander motor gebots en in die huis in Braamfischerville in Dobsonville ingeploeg het. “Die paartjie wat in die huis geslaap het, is dood,” het Matobako gesê. Die beseerde mense is na hospitale in die omgewing geneem.