Twee vroue sterf in gru-ongeluk

Twee vroue is dood nadat ʼn vragmotor teen hulle motor gebots het in Groenkloof, Pretoria.

Santi Steinmann, woordvoerder van Netcare911, sê die ongeluk het Vrydagmiddag op die hoek van Florence Ribeiro (Koningin Wilhelmina) -rylaan en Mainweg in Groenkloof plaasgevind. Steinmann sê die motor waarin die vrou gery het, is tussen die vragmotor en ʼn lamppaal vasgepen. Sy sê die twee vroue is op die toneel dood verklaar. Die presiese oorsaak van die ongeluk word ondersoek.