Twee vroue sterf in Jhb-ongeluk

Twee mense is Saterdagaand dood en vyf mense is beseer nadat vier motors in Maraisburg, Johannesburg gebots het.

Volgens ER24 het twee motors op die N1 tussen die Maraisburg-afrit en die Gordonweg-afrit gebots. Volgens die nooddienste het ʼn tweede ongeluk kort hierna plaasgevind. “Die twee vroue het glo op die toneel probeer help toe hulle doodgery is.” ʼn Man is kritiek beseer nadat hy glo uit een van die voertuie geslinger is. Die oorsaak van die ongeluk word ondersoek.