Twee wat in vliegongeluk sterf se name bekend

Foto: ER24

Foto: ER24

Die twee mans wat dood is nadat hul ligte vliegtuig Sondagoggend by ʼn vliegveld in Klerksdorp in Noordwes neergestort het, se name is bekend gemaak.

Maroela Media het Sondag berig die twee mans het Sondagoggend toertjies met die RV-6-vliegtuig gedoen toe dit sowat 11:00 neergestort het. Die vliegtuig het sowat 500 m van waar paramedici toerusting in ʼn helikopter ingelaai het, neegestort.

Die mans is Ivan van Rooyen, ʼn 52-jarige gesiene sakeman van Klerksdorp, en Pieter Welgemoed (38), ʼn vriend van Van Rooyen. Van Rooyen was die vlieënier. Albei lyke is verkool.

Die oorsaak van die ongeluk sal deur die Burgerlugvaartowerheid (BLO) ondersoek word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

1 Kommentaar

jongste oudste gewildste
Vas Vat

Tragies, sterkte aan die families.