Twitter gaan van vandag af slegs hul alombekende blou voëltjie as hul handelsmerk gebruik. Die voëltjie self spog ook met nuwe vere en is ‘n meer vereenvoudigde weergawe van die vorige een.
Die maatskappy het Donderdag op hul blog geskryf: “Van vandag af sal gebruikers oplet dat slegs die eenvoudige Twitter-voëltjie as handelsmerk gebruik gaan word. Dit is nie meer nodig om van skrif (twitter) of ʼn klein ‘t’-letter in ʼn boksie gebruik te maak nie.”