ʼn Kind het in die bad in sy huis naby Tzaneen in Limpopo verdrink.
“Paramedici is na die toneel ontbied en die familie het reeds KPR-behandeling begin toepas,” het Russell Meiring, woordvoerder van ER24, in ʼn verklaring gesê. “Alle pogings was egter tevergeefs en die kind is op die toneel dood verklaar.”
Die oorsaak van die verdrinking is nie bekend nie. Die naam en ouderdom van die kind is ook nie bekend gemaak nie.