Die nege polisiebeamptes wat beskuldig word van die moord op die Mosambiekse taxibestuurder Mido Macia is Dinsdag in die Benoni-landdroshof borgtog geweier.
Macia is glo vasgeboei agter aan ’n polisievoertuig deur die strate van Daveyton gesleep en is later in polisie-aanhouding dood. Landdros Sam Makamu het aangevoer dat dit nie in die belang van geregtigheid is om die polisiebeamptes op borgtog vry te laat nie. Makamu het in sy uitspraak gesê dat die inwoners van Daveyton moontlik die reg in eie hande sal wil neem indien die beskuldigdes op borg vrygelaat word. Die nege beskuldigdes is Motome Walter Ramatlou (37), Michak Malele (46), Thamsanqa Ncema (35), Percy Mnisi (26), Bongumusa Mdluli (25), Sipho Ngobeni (30), Lungisa Ewababa (31), Bongani Kolisi (27) en Linda Sololo (56). Die saak sal op 12 April hervat.
Een kommentaar