ʼn Vermeende verkragter is Vrydag doodgeskiet toe hy ʼn polisiebeampte naby Pietermaritzburg met ʼn skerp voorwerp aangeval het.
“Die polisie het ʼn geregtelike doodsondersoek gelas na die 24-jarige man se afsterwe,” het die polisie in KwaZulu-Natal gesê. Die voorval het in die Bhobhoyi informele nedersetting gebeur. “Die polisie was op soek na die man in verband met ʼn verkragting op 27 Maart 2011 by die Shiyabazali informele nedersetting naby Howick.”
Dit is nog nie duidelik of die polisiebeampte beseer is nie. -SAPA