Vereeniging-botsing eis drie

Drie mense is dood en 12 beseer nadat ʼn voertuig en ʼn minibustaxi Donderdagoggend in Vereeniging in Gauteng gebots het. Die ongeluk het op die Ou Johannesburgpad in Roshnee plaasgevind.

“Dit is nog nie duidelik hoe die ongeluk plaasgevind het nie, maar die taxi en voertuig het gebots en drie persone is op slag dood. Drie mense het kritieke beserings opgedoen en nege is ernstig beseer,” het Santi Steinmann, ʼn woordvoerder van Netcare 911, gesê.

Die beseerdes is op die toneel behandel en gestabiliseer, waarna hulle na ʼn nabygeleë hospitaal geneem is vir verdere behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.