Verkeerde been geamputeer

Argieffoto

Argieffoto

‘n Hospitaal in Brasilië sê ‘n pasiënt is nou altwee sy bene kwyt nadat dokters per ongeluk die verkeerde been geamputeer het.

“Dokters moes Vrydag Antonio Cesar Victorio, ‘n diabeet met nierversaking, se regterbeen verwyder, maar die linkerbeen is geamputeer,” het Marilda Santos, woordvoerder vir die Pedro Ernesto Universiteitshospitaal in Rio de Janeiro, gesê. “Toe die pasiënt se dogter aan die dokters sê hulle het die verkeerde been geamputeer, het hulle die regterbeen ook geamputeer.”

Sy sê die hospitaal probeer bepaal of dokters ‘n mediese fout begaan, en of hulle die linkerbeen verwyder het aangesien dit ook deur die siekte aangetas is.

Victorio se dogter het aan die O Globo-koerant gesê die familie beplan om die hospitaal te dagvaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Jasper ·

Dis erg. Maar ten minste kan die man bly wees dit was nie n histerektomie nie.

Strawberry ·

Klink amper soos hier by ons, hy kan bly wees hy leef nog. Kan nie glo hulle maak sulke foute nie. Dit moet tog gemerk wees. Drs. is baie nalatig, ek sou die hospitaal/drs ook gedagvaar het.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.