ʼn Bevelvoerende verkeersbeampte van Nelspruit, Mpumalanga het homself aan die polisie oorgegee in verband met die moord op sy twee kinders en sy vervreemde vrou.
Kol. Leonard Hlathi, woordvoerder van die polisie, sê Joseph Ezekiel Selala (42) het homself Maandagoggend by die Siyabuswa-polisiestasie oorgegee. Hlathi sê die polisie soek sedert 7 Desember na Selala nadat sy twee kinders, onderskeidelik agt en 12 jaar oud, en sy 45-jarige vervreemde vrou vermoor is. ʼn Lasbrief vir sy inhegtenisname is na die moorde uitgereik. Selala word daarvan verdink dat hy sy twee kinders doodgeskiet het terwyl hulle geslaap het. Hy het glo hierna na sy vervreemde vrou se huis gery en haar ook doodgeskiet voor hy gevlug het. Selala sal Dinsdag in die Mdutjane-landdroshof verskyn.
Die vuilgoed ….. seker eers n paar Moz taxi voorgekeer vir borg geld, en nou gee hy homself oor. Laat jy vir jou kry !