Sikhumbuzo Kholwane en sy prokureur, William Booth
Sikhumbuzo Kholwane, voorsitter van die Parlement se Kommunikasie-Portefeuljekomitee, het vroeër in die Wynberg landdroshof verskyn. Hy word daarvan aangekla dat hy ‘n 26-jarige vrou, met wie hy vroeër in ‘n verhouding betrokke was, verkrag het. Die voorval het na bewering in Desember in sy Grassy Park-huis plaasgevind. Kholwane se prokureur, William Booth, sê alle klagtes is teruggetrek, aangesien die saak nie sterk genoeg was nie. “Die Staat het nie ‘n saak nie en ons voel dat daar nie ‘n redelike vooruitsig vir ‘n suksesvolle vervolging bestaan nie,” het Booth gesê.
