Vermeende stroper deur buffel doodgetrap

ʼn Vermeende stroper is Dinsdagaand deur ʼn buffel doodgetrap in die Krugerwildtuin.

ʼn Woordvoerder van die wildtuin, William Mabasa, sê die voorval het noord van Punda Maria plaasgevind. Daar was glo drie mans en die ander twee het weggehardloop. Mabasa kon nie bevestig dat hulle stropers was nie. “Maar jy kan jouself wel afvra wat iemand gedurende die aand in die park doen sonder dat hulle deur die hek gekom het.” ʼn Polisiewoordvoerder, lt. kol. Mohale Ramatseba, sê die 35-jarige man is deur die buffel doodgetrap en het op die toneel aan sy beserings beswyk. Die polisie ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae