Niemand is nog in hegtenis geneem in verband met die verminkte liggaam van ʼn onderwyseres nie.
Die polisie in Noordwes het Vrydag op die grusame toneel afgekom waar die vrou se kopvel verwyder en beide haar ore afgesny is. Thulani Ngubane, woordvoerder van die polisie, sê die 43-jarige onderwyseres is sowat twee weke gelede as vermis aangemeld. Sy is laas gesien toe sy van haar huis in Randfontein na haar werk in Johannesburg vertrek het, berig EWN. Ngubane het gesê ʼn saak van moord word ondersoek.