ʼn 8-jarige meisie wat sedert Maandag vermis is, is Donderdag dood in Pretoria aangetref.
Ao. Matthews Nkoadi, ʼn polisiewoordvoerder, het Vrydag gesê Angie Mabutho se liggaam is naby ʼn winkelkompleks in Ga-Rankuwa, noord van Pretoria, gevind. Haar kouse en onderklere was vermis. Sy was Maandagmiddag vir die laaste keer gesien toe sy van haar skool na haar huis toe geloop het.
Twee mans is reeds in verband met haar dood in hegtenis geneem. Hulle moet binnekort in die Ga-Rankuwa-landdroshof verskyn.