Vermiste entomoloog: Soektog duur voort

Dr. Pawel Jaloszynski. Foto: LookLocal

Die soektog na ‘n Poolse entomoloog wat op Mariepskop naby Hoedspruit, Mpumalanga, vermis geraak het, duur voort.

“Die polisie van Limpopo en Mpumalanga, insluitend ‘n honde- en berede-eenheid soek al sedert Sondag na dr. Pawel Jaloszynski,” het kol. Leonard Hlathi, woordvoerder van die polisie in Mpumalanga gesê. ‘n Helikopter neem ook aan die soektog deel.

Jaloszynski (37), ‘n entomoloog van die Universiteit van Wroclaw in Pole, en drie kollegas het op die berg navorsing op insekte gedoen toe hy vermis geraak het. “Ons dek ‘n groot gebied en moes die soektog sedert Sondag uitbrei,” het Hlathi gesê. Jaloszynski het laat Sondagmiddag ‘n SMS aan sy kollegas gestuur om te sê dat hy verdwaal het. Hulle het sedertdien nog nie van hom gehoor nie.

Mariepskop is, teen 1 945m bo seevlak, die hoogste piek in die noordelike Drakensberg-platorand.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.