Nadia van Wyk
Nadia van Wyk, ʼn 20-jarige vrou wat slegs 1.1m lank is, is veilig opgespoor nadat sy in KwaZulu-Natal as vermis aangemeld is.
“Die polisie het bevestig dat Van Wyk uit haar eie vrye wil die huis verlaat het,” het kapt. Thulani Zwane, woordvoerder vir die polisie, Donderdag gesê. “Sy is Woensdag omstreeks 12:30 in Chatsworth aangetref. Sy is met haar familie herenig.”
Van Wyk het verlede week uit haar huis vermis geraak sonder om vir enigiemand te sê waarheen sy gaan. Volgens die polisie het sy nog nooit vantevore die huis sonder ʼn lid van haar nabye familie verlaat nie.
Lees ook:
Dwerg van KZN word vermis
