Vermiste man dood aangetref

Jacques Calitz van Zyl (36) van Klapmuts in die Wes-Kaap wat op 8 Julie vermis aangemeld is, se liggaam is deur die polisie opgespoor.

“Van Zyl is op 10 Julie in Milnerton dood aangetref,” het ondersoekbeampte Amerika van die polisiestasie in Klapmuts aan Maroela Media gesê. Van Zyl is glo vir skisofrenie by ‘n inrigting in die gebied behandel en hy het uit dié versorgingsentrum ontsnap. Hy het nie sy medikasie saam met hom geneem nie. Die polisie vermoed nie vuilspel nie.