Vermiste meisie gevind

ʼn 15-jarige meisie van Modimolle (Nylstroom) wat verlede week as vermis aangemeld is, is gevind.

Bernadine Dreyer (15) is verlede week Dinsdag laas omstreeks 20:45 by haar huis in Smithstraat, Modimolle, gesien. Missing Children berig dat Dreyer intussen gevind is en dat sy ongedeerd is. Die man saam met wie Dreyer gevind is, is intussen in hegtenis geneem en die polisie ondersoek ʼn saak van ontvoering. Daar is vroeër berig dat die polisie na Dreyer se ma se neef, Willie Roets (34), gesoek het aangesien hy die polisie moontlik in hul ondersoek kon bystaan.