Konstabel Bongiwe Precious Zuma
Die verkoolde liggaam van ʼn polisievrou wat sedert Dinsdag vermis is, is Vrydag naby Pietermaritzburg, KwaZulu-Natal, gevind.
Volgens luitenant Joey Jeevan, ‘n polisiewoordvoerder, is die liggaam vir konstabel Bongiwe Precious Zuma in ʼn bos naby ʼn pad buite Thornville gekry. ʼn 32-jarige man is kort daarna aangekeer. Die man gaan binnekort in die hof verskyn.
Intussen het huldeblyke vir Zuma op Twitter begin instroom. Sy was ʼn lid van die Pietermartizburg-polisie.
ʼn Nadoodseondersoek is aangevra en ondersoek duur voort.
