Charmaine Roselyn Hendrikz
Charmaine Roselyn Hendriks, ʼn 16-jarige leerling aan Potchefstroom Hoër Meisieskool, wat sedert Maandag vermis was, is Donderdag opgespoor.
Elmarie Pretorius, ʼn woordvoerder van die organisasie People Search and Rescue Unit (PSARU), het Vrydag aan Maroela Media gesê Hendriks is veilig en ongedeerd opgespoor. “Ons het Woensdag verneem dat sy vermis word en het pamflette met haar inligting versprei. Sy is veilig en ongedeerd opgespoor en aan haar ouers se sorg oorhandig,” het Pretorius gesê.
Maroela Media het Donderdag berig Hendriks was die laaste keer omstreeks 15:10 deur ʼn onderwyser by die skool gesien. Sy het haar vlootblou skooluniform aangehad.
