Die liggaam van ‘n 13-jarige seun, wat by Kommetjie in Kaapstad in die see vermis geraak het, is Vrydagoggend opgespoor.
“Die seun het Donderdag vermis geraak,” het Craig Lambinon, woordvoerder van die Nasionale Seereddingsinstituut (NSRI) gesê. “Die soektog is Vrydagoggend omstreeks 04:35 deur die polisieduikers en vrywilligers van NSRI Kommetjie voortgesit. ‘n Plaaslike inwoner het omstreeks 10:30 ‘n liggaam in die vlak golwe sien dryf en die soekspan in kennis gestel.”
Die polisie het ‘n geregtelike doodsondersoek gelas.