Vermiste visserman het vermoedelik verdrink

ʼn Kaapse visserman wat vermis word nadat hy Vrydag van ʼn kreefboot naby Kaappunt Natuurreservaat oorboord geval het, het vermoedelik verdrink.

Craig Lambinon, woordvoerder van die Nasionale Seereddingsinstituut (NSRI), sê ondanks ʼn uitgebreide soektog is daar steeds geen teken van Lucas van Wyk (33) nie. “Strand-, lug- en seesoektogte het nog geen teken van die vermiste visserman opgelewer nie.” Steenberg het glo oorboord geval terwyl hy besig was om seewier uit die visvangnette te haal nadat ʼn groot golf die boot glo amper omgeslaan het. Steenberg se reddingsbaadjie is vroeër tydens die soektog gevind. Die soektog na Steenberg is Saterdagoggend hervat.