Vermiste visserman se lyk gevind

Die lyk van ʼn visserman is Dinsdag in die see tussen Kleinmond en Hawston in die Wes-Kaap gevind.

Craig Lambinon, woordvoerder van die Nasionale Seereddingsinstituut (NSRI), sê die oorledene het Maandag saam met vyf ander mans visgevang toe hul boot omgeslaan het. “Ons kon vier van die mans red. Hulle het aan ons gesê dat een van die mans weggedryf het terwyl die ander strand toe probeer swem het.” Lambinon sê die ander man word steeds vermis.