Vermiste vliegtuigdeur op motel se dak opgespoor

Argieffoto van 'n Beechcraft King Air

Argieffoto van ‘n Beechcraft King Air

Die deur van ‘n klein vliegtuig in Amerika het in die lug losgekom, afgeval en op ‘n motel se dak beland.

Die Salinas Californian berig dat ‘n Beechcraft King Air-vliegtuig, wat Donderdagmiddag by Monterey-streekslughawe in Kalifornië opgestyg het, sy deur verloor het. Die vlieënier het ‘n knal gehoor en omgedraai om te gaan land. Hy het eers besef die deur is weg nadat hy geland het.

Die deur is egter eers Vrydagoggend opgespoor toe ‘n kontrakteur buite die motel dit opgemerk het. Volgens die ontvangsdame by die El Castell-motel het niemand gehoor toe die 34-kg deur op die teëldak geval het nie, omdat die kamer, wat reg onder die impak geleë is, onbeset was.

Die nasionale vervoerveiligheidsraad sal die deur en die vliegtuig ondersoek en bepaal waarom die deur losgekom het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.