Die naakte liggaam van ʼn vermoorde man is Donderdagaand in die veld langs die N1-snelfweg in Pretoria gekry.
Adjudant-offisier Annabelle Middleton, ʼn polisiewoordvoerder, sê ʼn voetganger het omstreeks 19:30 op die liggaam naby die Garsfontein-afrit in Waterkloofrif, afgekom.
“Die man was naak en sy hande was vasgebind. Hy is tussen 45 en 50 jaar oud. Die moontlikheid bestaan dat die man elders vermoor en sy liggaam daar gestort is,” het Middleton gesê.
Die Brooklyn-polisie ondersoek ʼn saak van moord. Die man se identiteit is onbekend.
