Steun vir President Jacob Zuma het oor die afgelope twee maande sterk afgeneem. Volgens ʼn peiling deur TNS Research Surveys het sy ondersteuningsyfer tot 46% in April gedaal, na die syfer op sy hoogste 55% in Februarie was.
“Dit is gedurende dié tydperk wat die e-tolsaga sy hoogtepunt bereik het, maar nog voor die hooggeregshof sy interdik uitspraak gemaak het. Kommer oor luitenant-generaal Richard Mdluli se herinstelling was ook aan die orde van die dag en Julius Malema, voormalige leier van die ANC-jeugliga, se skorsing is gefinaliseer,” het navorser Neil Higgs Maandag gesê.