Die video volg onderaan die berig. Altesaam 10 walvisse van die dosyne wat by die Everglades nasionale park in Florida, Amerika, gestrand het, is nou dood.
“Vier van die walvisse is Woensdag van kant gemaak. Ses het reeds gevrek,” het Blair Mase, woordvoerder vir die Nasionale Oseane en Atmosferiese Administrasie, gesê.
Reddingswerkers het tevergeefs probeer om die walvisse na dieper water te lok. Nagenoeg vier dosyn walvisse het Dinsdagmiddag in die water, sowat 1m diep, gestrand.
