Video: Baba Jesus-beeldjie gesteel

Die Kersverhaal-uitstalling voor die kerkgebou

Die Kersverhaal-uitstalling voor die kerkgebou

ʼn Dief het die baba Jesus-beeldjie uit ʼn kerk in Kalifornië se Kersverhaal-uitstalling gesteel.

Lidmate van die St Peter Lutherse Kerk in Modesto het ʼn week voor Kersfees die uitstalling voor die kerkgebou neergesit met Josef, Maria en ʼn baba Jesus. Later dié aand het lidmate egter ontdek die harsstandbeeldjie is weg.

“Die beeldjie was ʼn week later nog steeds vermis,” het pastoor Ryan Cortright aan Fox40 gesê. ʼn Pop, wat in ʼn wolkombersie toegedraai is, is toe ingespan om die baba Jesus te verteenwoordig.

“Ek weet nie of enigiemand nog ontsteld is nie,” het Cortright gesê. “Dit is jammer, maar dit is ook bietjie laf. Mens kan nie Christus uit Kersfees steel nie. Dit is die wonder van Kersfees.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.