Die borrelgommaatskappy, Chappies, is tans met ʼn bemarkingsveldtog in Johannesburg besig.
Duisende stukkies van dié borrelgom is oor die naweek op ʼn muur in Parkhurst geplak om ʼn kunswerk van een van die handelsmerk se feite uit te beeld: “Het jy geweet ‘n waatlemoen bestaan 92% uit water?” Die maatskappy het Maandag dieselfde projek by die Greenside Design College in Gleneaglesweg, Greenside, aangepak. Dié keer is 10 000 stukkies borrelgom gebruik.
Ses van dié kunswerke sal landswyd geskep word. Die eerste drie kunswerke was in die Wes-Kaap by Woodstock-stasie, Khayelitsha en Kaapstad-stasie. Die vierde was die kunswerk in Parkhurst, Johannesburg en die vyfde in Greenside, Johannesburg. Klik hier om na video’s van die ander kunswerke te kyk.