Chad le Clos met sy goue medalje
Oomblikke nadat Chad Le Clos stof in die oë van Michael Phelps tydens die 200m-vlinderslag geskop het, het Chad se pa vir ʼn bietjie pret gesorg toe hy, oorstelp van vreugde, met die BBC gepraat het. Chad het gisteraand Suid-Afrika se tweede goue medalje by die Olimpiese Spele gewen in die 200 m-vlinderslag in ’n blitstyd van 1 minuut en 52.95 sekondes. Chad se trotse pa, Bert le Clos, kon nie ophou glimlag nie en het die prestasie as ‘ongelooflik’ beskryf.
