Die video volg onderaan die berig.
Ses jaar ná ‘n ekonomiese krisis is die gemiddelde lewensverwagting van mense nege maande korter as gewoonlik.
Dié inligting blyk uit ‘n studie in 125 lande deur prof. Mathijs van Dijk, ‘n navorser van die Erasmus-universiteit in Nederland. Van Dijk is hoogleraar in finansies.
Mense neig om gesondheidsprobleme op te doen deur die spanning wat die finansiële krisis vir hulle inhou. Sy navorsing toon ook dat selfmoord, alkohol- en dwelmverslawing tydens ‘n krisis toeneem, en dat mense minder gesond eet.
In ontwikkelende lande gaan kinders ook minder skool om kostes te bespaar, en in die uiterste gevalle sterf mense selfs omdat hulle nie geld vir kos het nie.
Die volledige verslag kan hier gelees word.