Video en foto’s: Olimpiese Spele: Openingseremonie

Vuurwerke by die Toringbrug in sentraal Londen Foto: Lefteris Pitarakis, AP Photo

James Bond, David Beckham en selfs Mr. Bean het Vrydag ‘n rol gespeel in die eksentrieke openingseremonie van die Olimpiese Spele in Londen.

Oscar-bekroonde regisseur Danny Boyle se “Isles of Wonder”-vertoning word met gemengde gevoelens beskryf. ‘n Persoon wat soos koningin Elizabeth II aangetrek was, het, saam met James Bond-akteur Daniel Craig, met valskerms uit ‘n helikopter gespring; Mr. Bean het Chariots of Fire gespeel en kinders het op beddens gespring wat die nasionale gesondheidsdiens uitbeeld. Sokkerspeler David Beckham het met ‘n motorboot in die Thames-rivier die Olimpiese fakkel vervoer.

Duisende atlete het hierna met hul landsvlae op die veld verskyn.

Besonderhede van Boyle se skepping was ‘n groot geheim totdat die seremonie om 21:00 deur ‘n groot klok ingelui is.

‘n Video van die vuurwerkvertoning tydens die openingseremonie is deur die gebruiker telegraphTV op YouTube gelaai. Die video is onderaan dié artikel te sien.

[nggallery id=54]

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.