Video: Herrie oor gids wat olifant verwilder

Foto: Youtube

ʼn Veldgids in die Krugerwildtuin is geskors nadat ʼn video wat wys hoe hy op ʼn olifant afstorm en die dier verwilder ʼn herrie op sosiale netwerke ontketen het.

Die video is deur Kruger Sightings op Youtube gelaai en het tot woede onder gebruikers op sosiale media gelei. Singita, ʼn bewaringsmaatskappy wat talle private wildreservate in Afrika en Suid-Afrika besit, het intussen bekend gemaak dat dit een van sy veldgidse is wat in die video verskyn. Singita sê die gids is intussen afgedank en dat die maatskappy moontlike dissiplinêre stappe oorweeg teen ander werknemers wat by die maak van die video betrokke was. Die veldgids in die video het homself intussen as Brian Thomas Masters op Facebook geïdentifiseer en onvoorwaardelik om verskoning gevra vir sy optrede. “Ek stem heelhartig saam met die opmerkings wat gemaak is oor die onprofessionele en onetiese behandeling van diere. Ek neem volle verantwoordelikheid en het diep berou,” het Masters op Facebook gesê. Masters het ook om vergifnis gevra en gesê die voorval het hom reeds sy reputasie en werk gekos.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Gawie Botha ·

As oud wildbewaarder,het ek weereens deur hierdie video iets by geleer van die Olifant se gedragspersoonlikheid,wat ek nooit sou verwag het, Die vraag is net het alamal die deursettings vermoens van die “idioot” om kaalhand op n Olifant af te storm,,,,,en die volgende vraag is,is alle olifante so n “banggat” soos die Video weerspieel,,,,,,,,,,,,,die olifant het omtrent nie opgehou met weghardloop!
Sou die persone onder my bevel gedien het,sou ek hulle net ernstig berispe het,op n mees diplomatiese manier,hule het niks meer verkeerd gedoen,soos anders op Nasionale TV gemonitor kan word,hoe n persoon met n lang besemstok op n vierwiel motorfiets,die gemaklikheids zone van n groepe leeus betree,hoe vier Somalies leeus,,,se kos loop afvat,hoe persone met ander gevaatlikke diere en reptiele hulle uitdaag en kamstig bemeester,,,
Wat is hier so verkeerd,is dit omdat die olifant die aftog geblaas het,dat almal nou in trane is,maar andersins dit geniet om te sien hoe vier leeus vir ure spook om n buffel dood gebyt te kry!
Ek stem glad nie daarmee saam dat die persoon afgedank is,,,,,,ek voel dit is onredelik,,,,en dat hy wetenskaplik iets vir natuurwetenskap bewys het,en dat dit verdere navorsing verg! En ten laaste,,vir my was dit eintlik komies,,,,,,,,David teen Goliat!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.